నమస్తే దేవ దేవేశ వరాహవదనాచ్యుత |
క్షీరసాగర సంకాశ వజ్రశృంగ మహాభుజ ||
అనేక దివ్యాభరణ యజ్ఞసూత్ర విరాజిత |
అరుణారుణాంబరధర దివ్యరత్న విభూషిత ||
ఉద్యద్భాను ప్రతీకాశ పాదపద్మ నమో నమః |
బాలచంద్రాభ దంష్ట్రాగ్ర మహాబల పరాక్రమః ||
దివ్యచందన లిప్తాంగ తప్తకాంచన కుండల |
ఇంద్రనీల మణిద్యోతి హేమాంగద విభూషిత ||
వజ్ర దంష్ట్రాగ్ర నిర్భిన్న హిరణ్యాక్ష మహాబల |
పుండరీకాభిరామాక్ష సామస్వన మనోహర ||
శృతిసీమంత భూషాత్మన్సర్వాత్మన్చారువిక్రమః |
చతురానన శంభుభ్యాం వందితాయతలోచనా ||
సర్వవిద్యామయాకార శబ్దాతీత నమో నమః |
ఆనంద విగ్రహానంత కాలకాల నమో నమః ||